დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

თბილისის ინფექციური საავადმყოფოს კლინიკური დირექტორის ინფორმაციით, კორონავირუსის 11 ახალი შემთხვევიდან 2 ბოლნისის ე.წ. კლასტერიდანაა, ხოლო 9 თბილისში, ერთ-ერთი აქამდე ინფიცირებულ პაციენტთან კონტაქტში მყოფი პირია.

"ეს ახალი კლასტერი არ არის, ცნობილი წყაროა, დადასტურებულ შემთხვევასთან კონტაქტია. დადასტურებული პაციენტების კონტაქტების კვლევა გრძელდება, ტარდება პირველი დღიდან დაახლოებით 14 დღის განმავლობაში. ეს პაციენტები გამოიკვლიეს ზუსტად მე-13 თი მე-14 დღეს, თუ არ ვცდები", — თქვა ეზუგბაიამ.

მისივე ინფორმაციით, ახალი პაციენტები ინფექციის დადასტურებამდე ბინაში იზოლაციაში იყვნენ.

ეზუგბაია ამბობს, რომ 11 ახალი პაციენტიდან თბილისის ინფექციურ საავადმყოფოში 8 ადამიანი შეიყვანეს და მათი მდგომარეობა საშუალოზე მსუბუქად არის შეფასებული.

რაც შეეხება ინფორმაციას იმის შესახებ, რომ თბილისში ერთ-ერთი კორპუსი კარანტინში მოექცა, მარინა ეზუგბაია ამას არ ადასტურებს და ამბობს, რომ ჩვეულებრივი მიმდინარე პროცესია, გრძელდება დადასტურებულ შემთხვევასთან კონტაქტში მყოფი ადამიანების კვლევა.

"ვინ გამოთქვა ასეთი ამბავი, მე არ ვიცი, რომ კორპუსი კარანტინშია. ალბათ არა. აქ ელემენტარულად კონტაქტების კვლევა გაგრძელდება, როგორც ყოველთვის. უბრალოდ, ადამიანებს როცა რეკომენდაციას აძლევ, რომ თქვენ მეტ-ნაკლებად თავი უნდა შეიზღუდოთ და არ უნდა გქონდეთ განსაკუთრებული კონტაქტები, ანუ გარკვეულწილად თვითიზოლაციაში უნდა იყვნენ, ეს არ ნიშნავს, რომ კარანტინია. კორპუსის კარანტინში მოქცევა კიდევ, ალბათ, წარმოუდგენელია", — აღნიშნა მან.

ამჟამინდელი მდგომარეობით, საქართველოში კორონავირუსის 757 დადასტურებული შემთხვევაა, მათ შორის გამოჯანმრთელებულია 600 ადამიანი, გარდაცვლილი კი 12. ამ დროისთვის კარანტინის რეჟიმში იმყოფება 2966, ხოლოდ სტაციონარში მეთვალყურეობის ქვეშ 250 პირი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: