პრემიერ-მინისტრმა გიორგი გახარიამ პარლამენტში გამოსვლისას ოპოზიციას მოუწოდა, საპენსიო ფონდის გახსნისთვის ინიციატივა წარადგინონ პარლამენტში და კანონმდებლობა შეცვალონ. ამაზე პრემიერმა ევროპული საქართველოს დეპუტატს გიგა ბოკერიას უპასუხა:

"ფაქტობრივად თქვენ გამოდიხართ, ამბობთ, საპენსიო ფონდი გახსენით და ეს ფული რაღაცაში გამოიყენეთო. მაშინ, როდესაც საპენსიო ფონდი არის ჩვენი მოქალაქის ხადაზმულობისა და მისი ნორმალური, სოციალურად უზრუნველყოფილი ასაკის გარანტია. თქვენ თუ ასე ხართ დარწმუნებული, რომ საპენსიო ფონდი უნდა გავხსნათ, ამას სჭირდება საკანონმდებლო ცვლილება. ხომ ფიქრობთ რომ ეს მაგარი იდეაა, დააინიცირეთ, აიღეთ ეს პოლიტიკური რისკი თქვენ თავზე და ვინ როგორ შეაფასებს ამას, ვნახოთ".

გახარიას თქმით, საპენსიო ფონდი არის გრძელვადიანი ინსტრუმენტი და დღეს მომგებიანობა ამ ფონდის 14 პროცენტია, "რაც ცუდი არ არის".