საქართველოს პარლამენტის წევრი ქართული ოცნებიდან, ანრი ოხანაშვილი ამბობს, რომ ინტერპელაციის წესით პარლამენტში დაბარებულ პრემიერმინისტრთან ოპოზიციისგან შინაარსობრივ და აზრიან კითხვებს არ ელოდება.

"მე მათგან რაიმე შინაარსობრივს არ მოველი, ვინაიდან, ჩვენ ყველამ კარგად ვიხილეთ და ჩვენი საზოგადოება თვალყურს ადევნებდა, როგორ ტრაბახობდნენ, რომ ერთი მოვიდეს პრემიერი, თითქოს ჩამჭრელი შეკითხვების დასმის შესაძებლობა და უნარი ჰქონდეთ. თუმცა ვიხილეთ ძალიან სუსტი ოპოზოცია, სუსტი, უშინაარსო შეკითხვებით და პრემიერმინისტრი, რომელიც ზედმიწევნით ფლობს მნიშვნელოვან ინფორმაციას, ზედმიწევნით ზუსტად ახსნა ყველა ის გატარებული ღონისძიება, როემლსაც უშუალოდ ხელმძღვანელობდა და ჩვენი საზოგადოება კიდევ ერთხელ ჩააყენა საქმის კურსში ყველა იმ მნიშვნელოცვან ღონისძენებთან დაკავშირებით, რომელიც უკავშირდებოდა ეპიდსიტუაციის მართვას. შესაბამისად, შინაარსობრივს, აზრიანს, სამწუხაროდ, ამ ოპოზიციური ჯგუფების მხრიდან მე არ მოველი", — თქვა ოხანაშვილმა.

დეპუტატმა ასევე აღნიშნა, რომ გიორგი გახარიას პარლამენტში მისვლა ადასტურებს ინსტიტუტისადმი და საპარლამენტო კონტროლისადმი პატივისცემას.

პრემიერმინისტრი გახარია პარლამენტში დღეს, 14:00 საათზე მივა. ოპოზიციამ ის ინტერპელაციის წესით დაიბარა.