უმრავლესობის წევრი, გია გაჩეჩილაძე ამტკიცებს, რომ ოპოზიცია თავიდანვე ცდილობდა, საქართველოში რაც შეიძლება მეტი ინფიცირებული ყოფილიყო. მისი განმატებით, ამით ოპოზიციას ქულების დაწერა უნდოდად.

გაჩეჩილაძე ასე გამოეხმაურა პარლემნტში პრემირმინისტრის, გიორგი გახარიას გამოსვლისას ოპოზიციის კრიტიკულ შეფასებებს.

"ასეთი ოპოზიცია, რომელსაც მხოლოდ ერთი სურვილი აქვს, სახელმწიფო როდის ჩამოიქცევა და რაც უფრო მეტი ადამიანი დაიღუპება, მათთვის უკეთესია. რას იტყვიან, აბა? ყველაფერი ისე გაკეთდა, როგორც უნდა ემუშავა ნორმალურ სახელმწიფოს. საქართველომ ბევრ ქვეყანას აჯობა და ამას მსოფლიო აღიარებს. ოპოზიცია თავიდანვე ცდილობდა, საქართველოში რაც შეიძლება მეტი ინფიცირებული ყოფილიყო, რადგან ჰგონიათ, რომ ამით პოლიტიკურ ქულებს დაიწერენ. ისინი გლობალური კრიზისის დროს ასე იქცევიან ხოლმე. მათი მიზანია, სახელმწიფოს შერყევა და ამის საფუძველზე იქნებ დესტაბილიზაცია მოხდეს", — განაცხადა გაჩეჩილაძემ საზოგადოებრივ მაუწყებელთან.