პარლამენტის პირველი ვიცე-სპიკერი, გია ვოლსკი ამბობს, რომ გუშინ, პარლამენტში პრემიერის გამოსვლისას, ლუსტრაცია მოხდა, რომ ოპოზიცია და ვირუსი ცალ მხარეს აღმოჩნდნენ.

მისი თქმით, რასაკვირველია, გაბრაზებული ოპოზიცია ახლა კორუფციაზე, რაღაც შეუსრულებელ დაპირებებსა და პოლიტიკურ პატიმრებზე ილაპარაკებს.

"გუშინ სრული ლუსტრაცია მოხდა იმისა, რაც ჩვენს ქვეყანაში ამ ურთულეს პერიოდში ხდება. ოპოზიცია და ვირუსი აღმოჩნდნენ ცალ მხარეს. ყველაზე არ ითქმის, მაგრამ ეს ნათლად გამოიკვეთა. მთავარი თემა იყო, რატომ არ რიგდება 1000-1000 ლარი ყველა ადამიანზე. ფაქტია, გამოიკვეთა ის, რომ არ არსებობს დარგი და მიმართულება, სადაც კომპეტენტური მმართველობა არ არის და გაქრა მითები, რომ პრემიერის ხელმძღვანელობით გუნდი დაბნეულია, ან არაფორმალურად იმართება", — განაცხადა ვოლსკიმ.