მაჟორიტარი დეპუტატი კახა ოქრიაშვილი 2020 წლის საპარლამენტო არჩევნებისთვის კენჭისყრას ფიქრობს. მისი თქმით, ელოდება მმართველი გუნდის წინადადებას და მას სიამოვნებით მიიღებს.

თუმცა, თუ შეთავაზებას ვერ მიიღებს, ოქრიაშვილი გეგმავს, რომ დამოუკიდებელ დეპუტატად იყაროს კენჭი.

"როგორც დამოუკიდებელი დეპუტატი, უპარტიო საინიციატივო ჯგუფით წარდგენილმა დეპუტატამა ისე ვიყრო კენჭი როგორც ეს იყო 2003 წელს, პირველად მე გავიმარჯვე როგორც დამოუკიდებელმა დეპუტატმა. 2004 დან 2008 მდე ერთადერთი დეპუტატი ვიყავი უპატრიო და ფრაქციის გარეშე", — განაცხადა ოქრიაშვილმა.

მისივე თქმით, რეიტინგი საკმაოდ მაღალი აქვს, შესაბამისად, აქვს მოგების შანსებიც.

"რეიტინგი ძალიან მაღალი მაქვს, ყოველ წელს ვუკვეთავ ტრადიციულად NCD-ს ეხლა კოვიდმა შემიშალა ხელი და ივნისი ივლისის ასაწყისში მექნება რეიტინგი. შანსები მაქვს", — განაცხადა მან.

კახა ოქრიაშვილი ერთ-ერთია იმ მაჟორიტარ დეპუტატებს შორის, რომლებმაც პროპორციული საარჩევნო სისტემის კანონპროექტი ჩააგდეს.