26 მაისი საქართველოს ისტორიაში ყველაზე მნიშვნელოვანი თარიღია და ამაზე ერთხმად თანხმდება ჩვენი საზოგადოების ყველა წევრი. ამის მიუხედავად, 26 მაისს სათანადოდ მაინც არ აღვნიშნავთ ხოლმე, რადგან ამ თარიღს რეალურად ტრადიციები აკლია.

  • ზუსტად 12 საათს ელოდებით, რომ ჩატებში ყიჟინა ატეხოთ? ალბათ, არა.
  • დამოუკიდებლობისთვის მიძღვნილი სპეციალური ტკბილეული თუ გვაქვს ქვეყანას, რომლის გამოცხობაშიც საქართველოს საუკეთესო კულინარები ერთმანეთს ეჯიბრებიან ხოლმე? ასევე, არა.
  • ფეიერვერკების ხმა თუ გესმით ხოლმე? არა.

ფაქტი ისაა, რომ დამოუკიდებლობაში უამრავწლიანი წყვეტის გამო ახლა ვსწავლობთ, როგორ აღვნიშნოთ 26 მაისი და შესაბამისად, ერთად შეგვიძლია შევქმნათ ახალი ციფრული თუ არაციფრული ტრადიციები.

2016 წელი პირველი წელი იყო, როცა საქართველოს ბანკმა 26 მაისი დროშის გამოფენით აღნიშნა. მას შემდეგ კი მილოცვის გზები უფრო და უფრო მრავალფეროვანი ხდება.

მაშ ასე, აი როგორ შეგიძლია აღნიშნო 26 მაისი სახლიდან გაუსვლელად:

1. გამოიყენე ინსტაგრამის ფილტრი

ამისთვის მობილურიდან გახსენი ეს ლინკი და შეგიძლია სახის შეღებვის გარეშე დაიხატო პატარა დროშა.

2. შეცვალე პროფილის სურათი ფეისბუქზე ახალი ჩარჩოთი

"26 მაისს საერთაშორისო ოჯახს მიემატა ერთი ახალი წევრი, ის შევიდა ამ ოჯახში თავისუფალი, მხიარული სახით, ნათელი აზრით" — ჩარჩოს დიზაინში ნოე ჟორდანიას ეს ისტორიული სიტყვებია გამოყენებული.

3. დაამატე ინსტაგრამზე ასატვირთ ფოტოებს ციმციმა სიმბოლიკა

ამისთვის სტიკერების განყოფილებაში ჩაწერე გამოფინედროშა და შეარჩიე რამდენიმე სტიკერიდან ის, რომელიც შენს ფოტოს ყველაზე მეტად მოუხდება.

4. შექმენი მისალოცი ბარათი უნიკალური დიზაინით და მიულოცე მეგობრებს დამოუკიდებლობის დღე

ვებგვერდი 26maisi.ge წელს ერთი მეორეზე ლამაზ სურათებს გვთავაზობს მისალოცი ბარათის შესაქმნელად, რომელიც შეგიძლია შენს Facebookმეგობრებს გაუზიარო.

5. და ბოლოს: გადმოფინე რეალური დროშა აივნიდან / ფანჯრიდან და შეუქმენი საზეიმო განწყობა სხვებსაც

ფოტო: Shutterstock

თუ ფიქრობ, რომ ციფრული ზეიმი საკმარისი არაა, შეგიძლია ხელშესახები დროშა გადმოფინო ხელშესახები აივნიდან და ასე აღნიშნო 26 მაისი.

რომელი დიზაინი მოგწონს შენ?