1980 წლის 23 მაისს კინოთეატრებში The Shining-ის პრემიერა შედგა, რომელიც სტენლი კუბრიკმა სტივენ კინგის ამავე სახელწოდების ცნობილი რომანის მიხედვით გადაიღო.

იმასთან ერთად, რომ ეს კინოსურათი მხატვრული ნაწარმოების ეკრანიზაციის იშვიათად კარგ ნიმუშად ითვლება, ამავდროულად ის ერთ-ერთი საუკეთესო საშინელებათა ჟანრის ფილმია, რომელიც კინოსამყაროს ახსოვს.

სწორედ ამ საკულტო ფილმის გამოსვლიდან 40 წელი გავიდა და ამ თარიღის აღსანიშნავად იმ რამდენიმე განსაკუთრებულად საშიშ სცენას გავიხსენებთ ნათებიდან, რომლებმაც მაყურებლებზე წარუშლელი კვალი დატოვა.

10. როცა ჯეკ ტორანსი ვენდის თავის კოშმარს უყვება

ფოტო: Warner Bros.

კოშმარის გახსენებისას ჯეკი ვენდის დეტალურად აღუწერს, თუ როგორ კლავს მას და დენის. მაყურებელი აქედანვე ხვდება, რომ კოშმარის რეალურად ახდენის დიდი შანსი არსებობს.

9. როცა ვენდი დათვის ფორმაში გამოწყობილ ადამიანს სექსის დროს ხედავს

ფოტო: Warner Bros.

ერთი შეხედვით ამ სცენაში საშიში არაფერია, თუმცა ეს მაინც ერთ-ერთი ყველაზე უცნაური მომენტია, რომელიც თავისი ატმოსფეროთი მაყურებელს აუხსნელად უსიამოვნო შეგრძნებას უტოვებს.

8. როცა ვენდი აღმოაჩენს, რომ ჯეკი რამდენიმე ათეულ გვერდზე მხოლოდ ერთსა და იმავე წინადადებას ბეჭდავდა

ფოტო: Warner Bros.

All work and no play makes Jack a dull boy,
All work and no play makes Jack a dull boy.

(სულ მუშაობა და არანაირი თამაში ჯეკს აჩლუნგებს)

7. ტყუპი გოგოები

ფოტო: Warner Bros.

ვისაც ნათება ჯერ არ უნახავს, მათთვისაც კი ეს კადრი ნაცნობი იქნება, რადგან ისინი ერთ-ერთი ყველაზე მისტიკური პერსონაჟები არიან.

6. ლიფტიდან სისხლის ნიაღვარი მოჩქეფს

ფოტო: Warner Bros.

ერთდროულად წარმოუდგენლად საზარელი და შთამბეჭდავი სცენაა.

5. როცა ჯეკი დენის ეხუტება

ფოტო: Warner Bros.

სხვა ნებისმიერ ფილმში ეს სცენა მამაშვილური სიყვარულის გამოვლინება იქნებოდა, თუმცა ამ შემთხვევაში იმავეს თქმა ნამდვილად გაგვიჭირდება.

4. ჯეკის საუბარი გრედისთან საპირფარეშოში

ფოტო: Warner Bros.

როგორია, როცა მკვდარი კაცი დასვრილ პიჯაკს გისუფთავებს.

3. "ვენდი, ძვირფასო. ჩემი ცხოვრების ნათელო, არაფერს დაგიშავებ"

ფოტო: Warner Bros.

როცა ჯეკ ტორანსი ამ სიტყვებს თავის ცოლს ეუბნება, ამ დროს ვენდის ბეისბოლის ჯოხი უჭირავს და ნელი ნაბიჯით იხევს უკან, რადგან მაყურებელთან ერთად იცის, რომ ყველაზე მეტად სწორედ თავისი ქმრის მიერ ნათქვამ ამ სიტყვებს არ უნდა ენდოს.

2. როცა ჯეკი N237 ოთახში შედის

ფოტო: ჭარნერ

ოთახში შესული ჯეკი მომხიბვლელ ქალს კოცნის, თუმცა სარკეში დაინახავს, რომ ყველაფერი ისე სულაც არ არის, როგორც მას წარმოედგინა.

1. “Heeere’s Johnny!” (აი, ჯონიც მოვიდა)

ფოტო: Getty Images

ფილმის ამ საკულტო სცენაში მსახიობმა ჯეკ ნიკოლსონმა ეს ფრაზა თავისი ინტერპრეტაციით წარმოთქვა და ის ერთ-ერთ ყველაზე დასამახსოვრებელ კინოციტატად იქცა.