სახალხო დამცველმა ჩოგბურთელ ნიკოლოზ ბასილაშვილის საქმის შესწავლა დაიწყო. ამის შესახებ ნინო ლომჯარიამ ფეისბუქზე დაწერა.

"მინდა ჩემი მხარდაჭერა გამოვუცხადო დაზარალებულ ქალს! მოვუწოდებ ყველა შესაბამის სახელმწიფო უწყებას, გააკეთონ მაქსიმუმი, რათა იგი დაცული იყოს როგორც ფიზიკური, ასევე, ფსიქოლოგიური ძალადობისაგან!" — წერს ლომჯარია.

მსოფლიოს 27-ე ჩოგანს, ნიკოლოზ ბასილაშვილს არასრულწლოვანი შვილის თანდასწრებით ყოფილ ცოლზე ძალადობაში ედება ბრალი. მას თბილისის საქალაქო სასამართლომ 100 ათასი ლარის ოდენობის გირაო შეუფარდა. როგორც მისი ადვოკატი, ირმა ჭკადუა ამბობს, სპორტსმენი დანაშაულს არ აღიარებს. ჩოგბურთელის მამის მიმართ შემაკავებელი ორდერია გამოწერილი.

ამავე თემაზე: