ჯანდაცვის სამინისტროს განცხადებით, მსოფლიო ბანკის კორონავირუსზე გადაუდებელი რეაგირების პროექტის ფარგლებში, სწრაფი ტესტები შეიძინეს. უწყების განცხადებით, ანტისხეულების 30 000 ტესტის მომწოდებელი ჩინეთის მთავრობის მიერ ლიცენზირებული კომპანიაა, რომელიც ამავე ტესტებით ევროპის ქვეყნებსა და აშშ-საც ამარაგებს.

მათივე თქმით, ტესტები ექსპო ჯორჯიაში განთავსებულ, ჯანდაცვის სამინისტროს დროებით საწყობში მიიღეს და შესაბამის კლინიკებსა და დაწესებულებებზე გადანაწილდება.

ტესტების შესყიდვის საკითხი საქართველოში უკვე ორჯერ გახდა პრობლემური. პირველად, როცა აღმოჩნდა, რომ კომპანია, რომელთანაც კონტრაქტი გვქონდა დადებული წუნდებულ ტესტებს უშვებდა. მეორედ კი მაშინ, როცა ნიდერლადური კომპანიის ტესტები, სინამდვილეში, ჩინური აღმოჩნდა.