"მომართვით იცით რამდენი მომმართავს და რამდენს აქვს სხვადასხვა გარემოებები?" — ასე გამოეხმაურა პრეზიდენტი სალომე ზურაბიშვილი რეპლიკას იმაზე, რომ დეკანოზი გიორგი მამალაძე სინოდის მიმართვის შემდეგაც არ შეიწყალა. მისი თქმით, რეკომენდაციებს, ჩარევებსა და სხვადასხვა მითითებებს არ განიხილავს, რადგან შემდეგ მხოლოდ ის ატარებს პასუხისმგებლობას შეწყალებაზე.

მისივე თქმით, შეწყალება "უაღრესად სუბიექტური" გადაწყვეტილებაა და ის გარემოებებით განსაზღვრავს, ვინ შეიწყალოს.

"შეწყალება არ არის შედარებითი, რომ ეს შეიწყალე და ის რატომ არა. თითო შეწყალებას თან ახლავს მისი მისი გარემოებები", — განცხადა მან რუსთავი 2-ის ეთერში და განმარტა, რომ, ყველა საქმე პირადად შეისწავლა.

ზურაბიშვილმა არ ისაუბრა, პოლიციელის მკვლელობაში ბრალდებულის შეწყალების მიზეზებზეც:

"ერთხელ, ორჯერ, ათჯერ ვთქვი, რომ არ მაქვს მორალური უფლება, თუნდაც დაღუპულის ოჯახის გამო, რომ ვილაპარაკოთ იმ გარემოებებზე, რომლის გამოც შევიწყალე".

დეკანოზ მამალაძის შეწყალების საკითხი კიდევ ერთხელ მას შემდეგ გახდა აქტუალური, რაც პრეზიდენტმა ოპოზიციის ლიდერები, გიგი უგულავა და ირაკლი ოქრუაშვილი შეიწყალა.