თბილისის პარლამენტში გამართულ სხდომაზე, სადაც მინისტრები კომიტეტების წარმომადგენლებს ხვდებიან, ირმა ინაშვილმა თეა წულუკიანს კითხვით მიმართა და სთხოვა მისთვის განემარტა, რატომ მოუხსნა ინტერპოლმა ზურაბ ადეიშვილს ძებნილის სტატუსი:

"ჩემთვის დღემდე აუხსნელია, რატომ მოეხსნა ადეიშვილს ძებნილის სტატუსი ინტერპოლისგან. მოვითხოვ ძალიან მკაფიო განმარტებებს. თქვენს ქმედებებსა და ნაბიჯების შესახებ, ძალიან მკაფიო ინფორმაციას. რატომ ვერ იმუშავეთ ისე, რომ ძებნილის სტატუსი არ მოხსნოდა? მე ვიცი რომ ძალიან ბევრ საქმეშია დამნაშავე და სისხლის სამართლის დამნაშავეა და უნდა ჩამოაბრძანოთ აქ და გაასამართლოთ, ამათ კი არ უნდა ეჟღურტულებოდეთ".

ინაშვილმა შინაგან საქმეთა მინისტრს, გიორგი მღებრიშვილსაც მიმართა და მოსთხოვა გაერკვია, რამდენად არის დაცული საქართველოს ტერიტორიები თურქეთის, სომხეთისა და აზერბაიჯანის მოსაზღვრე რეგიონებში.

პატრიოტთა ალიანსის ლიდერი ასევე მიიჩნევს, რომ პარლამენტში ნაციონალური მოძრაობის 27 დეპუტატის ყოფნა ტრაგედიაა.