თბილისის პარლამენტში გამართულ სხდომაზე, სადაც მინისტრები კომიტეტების წარმომადგენლებს ხვდებიან, ირმა ინაშვილმა ელენე ხოშტარიას სიტყვით გამოსვლის შემდეგ ქართულ ოცნებას განუცხადა, რომ მათი ბრალი იყო ნაციონალური მოძრაობის პარლამენტში ყოფნა:

"თავშივე უნდა გითხრათ, რომ ქართული ოცნება იმსახურებს იმას, რაც ახლა დარბაზში ხდება. ისინი იმსახურებენ შეკითხვებს იმ ადამიანებისგან, რომლებიც თვლიან, რომ პოლიტიკური ტერორი არ იყო ამ ქვეყანაში. ერთი, ძალიან მაინტერესებს, ჟვანია ვინ მოკლა და იყო თუ არა ეს, პოლიტიკური ტერორი. ძალიან მაინტერესებს, გურამ შარაძე როგორ მოკლეს და იყო თუ არა ეს პოლიტიკური ტერორი. კიდევ არაერთი პოლიტიკური ტერორის მაგალითი გინდათ შეგახსენოთ, მარცხენა ფლანგზე ბატონებს და ქალბატონებს?

მაგრამ იმსახურებთ ამას თქვენ, ქართული ოცნება, იმიტომ, რომ თქვენ გააცოცხლეთ ეს ხალხი, თქვენ შეუწყეთ ხელი ამათ გათეთრებას, ამათ შემოყვანას და ამათ დამკვიდრებას ქართულ პოლიტიკაში, თორემ დღეს არ იქნებოდნენ წარმოდგენილნი 27 დეპუტატით პარლამენტში და ეს არის ტრაგედია".

ამის შემდეგ, პატრიოტთა ალიანსის ლიდერმა შს მინისტრსა და იუსტიციის მინისტრს კითხვებით მიმართა.