11 წლის მოზარდთან გარყვნილ ქმედებისთვის 30 წლის კაცს ბრალი წარუდგინეს. პროკურატურის ინფორმაციით, მას ბრალდება სისხლის სამართლის კოდექსის 141-ე მუხლის მე-2 ნაწილის "ვ" ქვეპუნქტით წარედგინა, რაც გულისხმობს ძალადობის გარეშე სრულწლოვანის გარყვნილ ქმედებას (წინასწარი შეცნობით 11 წლის ასაკს მიუღწეველთან).

უწყების განცხადებით, გამოძიებით დადგინდა, რომ 2020 წლის აპრილისა და მაისის თვეში ბრალდებულმა 11 წლის გოგონასთან გარყვნილი ქმედება ჩაიდინა. სამართალდამცავებმა ის 16 მაისს დააკავეს.

პროკურატურამ უკვე მიმართა სასამართლოს ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით. ამ დანაშაულისთვის სასჯელის სახედ და ზომად 8-დან 10 წლამდე თავისუფლების აღკვეთაა გათვალისწინებული.