კანადის პრემიერმინისტრის, ჯასტინ ტრუდოს განცხადებით, ქვეყანამ კორონავირუსის ვაქცინის პირველი კლინიკური კვლევა დაამტკიცა. ამის შესახებ ინფორმაციას CNN ავრცელებს.

"კანადის ეროვნული სამეცნიერო საბჭო იმუშავებს მწარმოებლებთან, თუ ამ ვაქცინის კვლევა წარმატებული აღმოჩნდება, ჩვენ შეგვეძლება მისი წარმოება და დისტრიბუცია აქ, სახლში", — თქვა ჯასტინ ტურდომ.

ტრუდოს არ დაუკონკრეტებია სად მიმდინარეობს შესაძლო ვაქცინის წარმოება. ამ კვირაში კანადის ეროვნულმა სამეცნიერო საბჭომ აღნიშნა, რომ ისინი ითანამშრომლებენ CanSino Biologics Inc-თან, რომელიც ჩინეთში მდებარეობს.

პარასკევს მსოფლიო ჯანდაცვის ორგანიზაციამ განაცხადა, რომ მსოფლიოში 118 პოტენციური ვაქცინა დამზადდა, თუმცა კლინიკურ კვლევებში მხოლოდ 8 იყო ჩართული.

კანადაში კორონავირუსის 77 082 შემთხვევა დასტურდება, მათგან 37 748 ადამიანი გამოჯანმრთელებულია, 5 792 კი გარდაცვლილი.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: