ქართული ოცნება ცვლილებების მიღებას აპირებს, რომ ზოგი შეზღუდვა საგანგებო მდგომარეობის გაუქმების მერეც დარჩეს
![](http://monica.on.ge/2020/05/15/1584468439_5ebea92c37f94.jpg)
ფოტო: საქართველოს პარლამენტი
უმრავლესობის წევრის, ირაკლი კობახიძის თქმით, მზად არის კანონპროექტი, რომელიც საგანგებო მდგომარეობის დასრულების შემდეგ რიგი შეზღუდვების ძალაში დარჩენას უზრუნველყოფს.
მის თქმით, აღნიშნული კანონპროექტი უკვე ინიცირებულია და საგანგებო მდგომარეობის დასრულებამდე ცვილებებს მიიღებენ.
"მნიშვნელოვანია, რომ უქმდება საგანგებო მდგომარეობა მათ შორის, იმ თვალსაზრისითაც, რომ ეს გვაძლევს საკონსტიტუციო ცვლილებების განხილვის შესაძლებლობას. თუმცა, როგორც პრემიერმა აღნიშნა, დარჩება მთელი რიგი შეზღუდვები და ამ შეზღუდვების ძალაში დატოვებას სჭირდება საკანონმდებლო უზრუნველყოფა. საუბარია საზოგადოებრივი ჯანდაცვის შესახებ კანონში შესატან ცვლილებებზე. შესაბამისი კანონპროექტი არის უკვე მომზადებული და ინიცირებული და მომდევნო კვირაში საგანგებო მდგომარეობის გაუქმებამდე მივიღებთ ამ პაკეტს", — ირაკლი კობახიძე.
როგორც უმრავლესობის ლიდერმა, მამუკა მდინარაძემ განმარტა, საუბარია იმაზე, რომ საგანგებო მდგომარეობის გაუქმებისა და ვადის ამოწურვის შემდეგ, გარკვეული შეზღუდვების იურიდიული საფუძველი იყოს ისეთი, რომ ამაში შედავება ვერავინ შეძლოს.
"ჩვენ დღეს არ შეგვიძლია ყველა შეზღუდვის, მსუბუქ შეზღუდვებზეა ლაპარაკი, მათი ერთბაშად მოხსნა, ეს საჭიროა, რომ მაქისმალური პრევენცია მოხდეს და ყველაფერი ეს ერთბაშად არ გაიხსნას და ამან რისკები მინიმუმამდე შეამციროს, აქედან გამომდინარე ეს ცვლილებები უკვე მზად არის და საკომიტეტო და სესიების ფორმატში მოვახერხებთ დეტალურ განხილვას, რომ ეს იურიდიული საფუძველი იყოს აბსოლუტურად სწორი, გამართული და შეზღუდვები მოქმედებდეს ამ კანონის ფარგლებში", — განაცხადა მდინარაძემ.
ქვეყანაში 22 მაისიდან საგანგებო მდგომარეობა აღარ იქნება. თუმცა გიორგი გახარიამ აღნიშნა, რომ ეს ყველა შეზღუდვის მოხსნას არ გულისხმობს. მას არ დაუკონკრეტებია, რა შეზღუდვები დარჩება ძალაში 22 მაისის შემდეგ.
"ეს არ ნიშნავს იმას, რომ შეზღუდვები, რომლებიც დაწესებულია, სრულად და ერთბაშად იქნება მოხსნილი. შეზღუდვების ნაწილი, რომელიც აუცილებელია ეპიდემიოლოგების აზრით, რათა ჩვენ შევინარჩუნოთ რისკების კონტროლის ის მაღალი დონე, რომელიც დღეს გვაქვს, აუცილებად უნდა შენარჩუნდეს", — თქვა გახარიამ.
მისივე ინფორმაციით, მთავრობა მიმართავს პარლამენტს, რათა დაიწყოს მსჯელობა საკანონმდებლო ცვლილებებზე, რომელიც მისცემს საშუალებას ეპიდემია მართონ საგანგებო მდგომარეობის გარეშე.
"და გვქონდეს შესაძლებლობა ის შეზღუდვები, რომლებიც მხოლოდ და მხოლოდ ეპიდემიოლოგებისგან იქნება რეკომენდებული, დავაწესოთ და აღვასრულოთ", — თქვა მან.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები