18 მაისიდან სილამაზის სალონები და ესთეტიკური ცენტრები განსხვავებული პროცედურებით ამუშავდებიან. ამის შესახებ ეკონომიკის მინისტრმა, ნათია თურნავამ მთავრობის სხდომის შემდეგ ბრიფინგზე განმარტა. მისი თქმით, სალონებში იქნება ნაკლები ადამიანი, ელექტრონული რიგი და სოციალური დისტანცია:

"ეპიდემიოლოგიური ვითარება გვაძლევს საშუალებას, რომ მკაცრი სტანდარტების დაცვით აღდგეს სილამაზის სალონების მუშაობა. ისინი პასუხისმგებლიანად მიუდგნენ ყველა იმ შეზღუდვას, რაც იქნება დაწესებული. სულ სხვა პრინციპებზე იქნება აწყობილი პროცედურები [...] ".

ბოლო მონაცემებით, საქართველოში კორონავირუსით ინფიცირების კიდევ 5 შემთხვევა გამოვლინდა და ჯამში ინფიცირებულთა რიცხვი 652 გახდა. მათგან გამოჯანმრთელებულია 383 ადამიანი. კარანტინის რეჟიმში 4 246 ადამიანი იმყოფება, სტაციონარში მეთვალყურეობის ქვეშ კი 394.

ამავე თემაზე: