დაავადებათა კონტროლის ეროვნული ცენტრის დირექტორის, ამირან გამყრელიძის თქმით, კომპანია ცეფეიდისგან PCR ტექნოლოგიაზე დამყარებული კორონავირუსის დიაგნოსტირების 1 500 კარტრიჯი იყიდეს. ამ თემაზე მან პრესკონფერენციაზე ისაუბრა.

"ჩვენ 1 500 კარტრიჯი ვიყიდეთ, რომელსაც ვხმარობთ გარკვეული ჩვენებებით, გადავეცით ეს აპარატი პირველ საუნივერსიტეტო კლინიკას ყველაზე მძიმე პაციენტები არიან და როცა სწრაფი დიაგნოსტიკა სჭირდებათ იყენებენ. ასევე, გვაქვს ჩვენ ზოგიერთი გადამოწმებისთვის და გარკვეული რაოდენობა გადავეცით ცენტრალურ ინფექციურ საავადმყოფოს", — თქვა პაატა იმნაძემ.

იმნაძის თქმით, მომავალში იმედი აქვთ, რომ საქართველო კარტრიჯების დამატებით რაოდენობას მიიღებს. მისი განმარტებით, ცეფეიდის ტექნოლოგიის მიხედვით, პაციენტისგან აღებული მასალა თავსდება კარტრიჯში, შემდეგ კარტრიჯი სპეციალურ მანქანა — ჯინექსპერტში, რომელიც პასუხს 45 წუთში იძლევა. გამყრელიძის თქმით, ქვეყანა ცეფეიდთან დიდი ხანია თანამშრომლობს C ჰეპატიტის ელიმინაციისა და ტუპერკულიოზის პროგრამებთან დაკავშირებით.