ქართული ოცნების ლიდერი, ირაკლი კობახიძე 8 მარტს, საარჩევნო სისტემასთან დაკავშირებით მიღწეული შეთანხმების ზედმიწევნით შესრულებას ოპოზიციისგან მოითხოვს. ამ თემაზე მან კითხვას ბრიფინგზე უპასუხა.

"ჩვენ ახლა არ ვითვლით მანდატებს, ჩვენთვის პრინციპულად მნიშვნელოვანია და ესაა ჩვენი მოთხოვნა, რომ თითოეულმა მხარემ, მათ შორის შესაბამისმა პარტიებმა, რომლებზეც გვაქვს საუბარი შეასრულონ ზედმიწევნით ის შეთანხმება, რომელსაც ჩვენ მოვაწერეთ ხელი", — თქვა ირაკლი კობახიძემ.

დეპუტატმა აღნიშნა, რომ ეს პრინციპული მოთხოვნაა და პარტია მას არ გადაუხვევს. პარლამენტის ყოფილი და მოქმედი თავმჯდომარეც საარჩევნო სისტემაზე კანონპროექტის შესაძლო ჩავარდნის პასუხისმგებლობას ოპოზიციას აკისრებს. ლიდერებმა დღევანდელ ბრიფინგზე აღნიშნეს, რომ "პოლიტპატიმრების" საკითხი სპეკულაციაა და ელჩებს სთხოვეს, რომ შეთანხმების დეტალები გაასაჯაროვონ. ოპოზიციის ნაწილი კი აცხადებს, რომ "პოლიტპატიმრების" გათავისუფლების გარეშე, კანონპროექტს მხარს არ დაუჭერენ.

ამავე თემაზე: