ეკონომიკის მინისტრის, ნათია თურნავას თქმით, უახლოეს დღეებში ავიაკომპანია Wizz Air სამინისტროს მიაწვდის ქვეყნების სიას, სადაც პირველ ეტაპზე ფრენების აღდგენა მიზანშეწონილად მიაჩნიათ. ამ თემაზე მინისტრმა იმედის ეთერში ისაუბრა.

"ჩვენ აქტიურად ვმუშაობთ Wizz Air-თან და ის ამ დღეებში მოგვცემს გარკვეული ქვეყნების მოკლე სიას, რომელ ქვეყნებთანაც მათაც მიაჩნიათ, რომ პერსპექტიულია პირველ ეტაპზე აღდგეს მიმოსვლა. ჩვენ დავეხმარებით და გვერდში დავუდგებით", — თქვა ნათია თურნავამ.

თურნავამ, ასევე აღნიშნა, რომ საქართველო მოხვდა turkish airlines პირველ ოცეულში, სადაც კომპანია ფრენების აღდგენას გეგმავს. მისი, თქმით, სამინისტროს უკავშირდებიან სპარსეთის ყურის ქვეყნების ავიაკომპანიები, რომლებთანაც მოლაპარაკებები მიმდინარეობს.

7 მაისს მთავრობამ ანტიკრიზისული გეგმის კიდევ ერთი ეტაპი წარადგინა, რომლის მიხედვითაც შეზღუდვების ნაწილი უფრო ადრე მოიხსნება. ტურიზმის გახსნის გეგმის მიხედვით, 15 ივნისიდან ამოქმედდება შიდა ტურიზმი, 1 ივნისიდან კი საქართველო უცხოელი ტურისტების მისაღებად მზად იქნება.

გაიგეთ მეტი: