პარლამენტის ვიცე-სპიკერის, გია ვოლსკი ოპოზიციას პასუხობს და აცხადებს, რომ მათი მიზანი მხოლოდ დესტრუქციაა. დეპუტატი ფიქრობს, რომ საარჩევნო სისტემასთან დაკავშირებული შეთანხმების ჩაშლა ძალიან სამწუხარო იქნება.

"აქვს სახელმწიფოს რესურსი, რომ ჩაატაროს არჩევნები ახალი სისტემით და ძალიან გულდასაწყვეტი იქნება, თუკი შეთანხმება, რომელიც მრავალრაუნდიანი მოლაპარაკებების შემდეგ მიღწეულ იქნა ჩაიშლება. ეს ნიშნავს იმას, რომ სააკაშვილის კლასტერის პოლიტიკურ პარტიებს სურთ ამ ნიადაგზე ააგორონ საზოგადოების უკმაყოფილება", — თქვა გია ვოლსკიმ.

დეპუტატის განცხადებით, ხელისუფლებამ საერთაშორისო პარტნიორებთან ერთად უნდა იზრუნოს, რომ შიდა პროცესები ამ მიმართულებით არ განვითარდეს. ოპოზიციის ნაწილი აცხადებს, რომ თუ მმართველი გუნდი შეთანხმების ყველა პუნქტს არ შეასრულებს, საარჩევნო ცვლილებებს მხარს არ დაუჭერენ.