თბილისის მერის კახა კალაძის განცხადებით, იპოდრომის მიმდებარედ ყოფილი კორტების ტერიტორია მუნიციპალიტეტმა დაიბრუნა. როგორც მერმა მთავრობის სხდომაზე განმარტა, ტერიტორიის ადგილმონაცვლეობა მოხდა.

კახა კალაძის თქმით, მერია ტერიტორიის პრივატიზებას აპირებს. მანვე აღნიშნა, რომ პრივატიზების პირობაა სპორტული კომპლექსის აღდგენა, ჩოგბურთის კორტების, საცურაო აუზისა და ფიტნეს კლუბის აშენება.

"იცით ამ კორტების ისტორია, წინა ხელისუფლების დროს ეს ტერიტორია იყო გასხვისებული იმისთვის, რომ აშენებულიყო საცხოვრებელი და სასტუმრო შენობა-ნაგებობები. ჩვენ ძალიან დიდი შრომა დაგვჭირდა იმისთვის, რომ დაგვებრუნებინა ეს კონკრეტული ფართი", — აღნიშნა კალაძემ.

მისი თქმით, ქონება უკვე შეფასებულია სამხარაულის ექსპერტების მიერ და უახლოეს დღეებში ბიზნესსექტორსს წარუდგენენ.