The Office-ის მაყურებლებს კარგად ახსოვთ, რომ ერთ დროს სტივ კარელი ქაღალდის კომპანიის განყოფილებას მართავდა, ნეტფლიქსის ახალ სერიალში კი ამჯერად ამერიკის შეერთებული შტატების კოსმოსური ძალების დანაყოფს უხელმძღვანელებს.

Space Force — ასე ჰქვია ახალ კომედიურ სერიალს, რომელშიც სტივ კარელს ერთ-ერთ მთავარ როლში ვიხილავთ. აღსანიშნავია, რომ მსახიობობასთან ერთად ის შოუს თანაავტორია, რაც მაყურებელს წინასწარვე საინტერესო სანახაობის გარანტს აძლევს.

ამაში სულ ახლახანს ნეტფლიქსის მიერ გამოქვეყნებული პირველი ტრეილერიც დაგარწმუნებთ:

სტივ კარელთან ერთად ამ ახალ სერიალში ასევე ვიხილავთ ჯონ მალკოვიჩსა და ლიზა კუდროუს.

Space Force-ის ერთ-ერთი შემქმნელი გრეგ დენიელსია, რომელსაც აქამდე ისეთი ცნობილი სატელევიზიო შოუების შექმნაში მიუღია მონაწილეობა, როგორებიცაა The Simpsons, Parks and Recreation და The Office.

შესაბამისად, კომედიური შოუების მოყვარულებს ისღა დაგვრჩენია 29 მაისს მოუთმენლად დაველოდოთ, როცა ნეტფლიქსის პლატფორმაზე სერიალის პრემიერა შედგება.