Masterclass ონლაინ კურსების საიტია, სადაც თავის სფეროში სახელგანთქმული პროფესიონალები სხვადასხვა კურსებს კითხულობენ და თავიანთ ცოდნას გვიზიარებენ.

სულ მალე ამ საიტზე ისეთი კომპოზიტორის კურსის გავლა შეგეძლებათ, როგორც ჰანს ციმერია. ის ფილმებისთვის მუსიკის შექმნას შეგასწავლით და ეს სიამოვნება სულ რაღაც $90 დაგიჯდებათ. კურსის აღწერაში ვკითხულობთ, რომ მასში ჩართული ადამიანებისთვის 30-ზე მეტი ვიდეოგაკვეთილი იქნება ხელმისაწვდომი, წიგნთან ერთად PDF ფორმატში. მოსწავლეებს თავიანთი ნამუშევრების ატვირთვაც შეეძლებათ, რათა თანაკურსელებისგან მიიღონ შეფასებები, ხოლო ზოგიერთ გამორჩეულ სტუდენტს თავად ჰანს ციმერი შეაფასებს და რჩევებსაც მისცემს.

ვიდრე ციმერის კურსები დაიწყება, ამავე საიტზე, იმავე ფასად შეგიძლიათ ისწავლოთ სამსახიობო ხელოვნება კევინ სპეისისგან ან დასტინ ჰოფმანისგან, ელექტრონული მუსიკის პროდიუსინგი Deadmou5-ისგან, შეგიძლიათ გაიაროთ სცენარის კურსი ოსკაროსან აარონ სორკინთან, ისწავლოთ სიმღერა კრისტინა აგილერას ონლაინ კლასში ან ჩოგბურთი სერენა უილიამსთან.