ბრიტანეთში, კორონავირუსით ჯამში 26 097 ადამიანი გარდაიცვალა. ამის შესახებ ინფორმაციას BBC ავრცელებს.

პირველად, ბრიტანეთში კორონავირუსით გარდაცვლილთა მონაცემებში მზრუნველობის სახლებში დაღუპულთა რაოდენობაც დაამატეს.

გამოცემა წერს, რომ დღეს საზოგადოებრივი ჯანდაცვის ორგანიზაციამ გარდაცვლილთა მონაცემებს 3 811 ადამიანი დაამატა. მათგან 70% მკურნალობას საავადმყოფოს გარეთ გადიოდა, 30% კი ჰოსპიტალში. საგარეო საქმეთა მინისტრის, დომინიკ რააბის თქმით, სამშაბათს ვირუსით დამატებით 765 ადამიანი დაიღუპა.

ჰოპკინსის უნივერსიტეტის მონაცემებით, ქვეყანაში კორონავირუსის 166 440 დადასტურებული შემთხვევაა.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: