თბილისის მერიისა და საკრებულოს მხარდაჭერით საქართველოს მწვანე ავტოკლუბმა მშრალ ხიდთან ქვეითთა უსაფრთხოებისადმი მიძღვნილი აქცია "გაუღიმე და გაატარე" გამართა.

"თბილისში ეს ერთ-ერთი ყველაზე რთული ქვეითთა გადასასვლელია, რადგან ავტომანქანების გადატვირთული მოძრაობაა. მძღოლებს ვთხოვთ, ე.წ. ზებრასთან მიახლოებისას შეანელონ სვლა და გაჩერდნენ, თუკი ფეხით მოსიარულე გადადის.

ფოტო: თბილისის მერია

მეტიც, ქვეითი გაატარონ მაშინაც, როცა გზის რომელიმე მონაკვეთზე გადასასვლელი მონიშნული არ არის", - აცხადებს ტრანსპორტის საქალაქო სამსახურის უფროსი მამუკა მუმლაძე.

"გაუღიმე და გაატარე" - ამ სლოგანით საქართველოს მწვანე ავტოკლუბი დედაქალაქში კიდევ რამდენიმე მისამართზე გეგმავს აქციას, რომლის მიზანიც თბილისის მერიის ინფორმაციით, მძღოლებისა და ქვეითებისთვის მოძრაობის წესების დაცვის მიმართულებით ცნობიერების ამაღლებაა.