ჯანდაცვის მინისტრის, ეკატერინე ტიკარაძის თქმით, ამ ეტაპზე ქვეყანაში ტესტების შემოტანის უფლება დაახლოებით 10 კომპანიას აქვს.

მისი თქმით, კერძო კომპანიებისთვის ტარიფები და ანაზღაურება არის სახელმწიფოს ვერტიკალურ პროგრამაში დადგენილი.

"კომპანიებს განაცხადები შემოაქვთ მუდმივ რეჟიმში, აქედან გამომდინარე მათი რიცხვიც არის ცვალებადი. რამდენადაც ჩემთვის ცნობილია ეს არის ერთი ათეული მხოლოდ და მხოლოდ. რეგულირების სააგენტო მათ დოკუმენტაციას დეტალურად განიხილავს, ვინაიდან ამ შემთხვევაში ნებისმიერი პასუხისმგებლობა ტესტის ვალიდურობასთან დაკავშირებით არის სახელმწიფოს პასუხისმგებლობა. ჩვენ ეტაპობრივად როგორც ხელს ვუწყობთ კომპანიებს, ასევე მკაცრად ვუდგებით იმ ტესტების შემოტანასა საქართველოში, რომელიც დღესდღეობით ბაზარზე არის მოწოდებული", — განაცხადა ტიკარაძემ.