ადამიანის უფლებათა დაცვისა და იურიდიულ საკითხთა კომიტეტების გაერთიანებული სხდომა ეკა ბესელიასა და ნაციონალური მოძრაობის ერთ-ერთ წევრ ჩიორა თაქთაქიშვილს შორის დაპირისპირების გამო ჩაიშალა.

სხდომაზე, რომელზეც იუსტიციის უმაღლესი საბჭოს საქმიანობის შესახებ ანგარიშს განიხილავდნენ, ჩიორა თაქთაქიშვილმა სასამართლო რეფორმა გააკრიტიკა. მისი თქმით, ამჟამინდელმა ხელისუფლებამ შეიყვანა კრიზისში სასამართლო სისტემა და იუსტიციის უმაღლესი საბჭო. ეკა ბესელიამ მას რეგლამენტის დაცვა მოსთხოვა და უთხრა, რომ სიტყვა მოგვიანებით მიეცემოდა, თუმცა ჩიორა თაქთაქიშვილი არ დაემორჩილა. ამის შემდეგ ბესელიამ მანდატურს უთხრა, რომ მიკროფონი გამოერთო მისთვის, თუმცა თაქთაქიშვილი ისევ განაგრძობდა საუბარს. ეკა ბესელიამ ჩიორა თაქთაქიშვილს დარბაზის დატოვებისკენ მოუწოდა, თუმცა ის არც ამ მოთხოვნას დაემორჩილა.

როგორც ბესელიამ დარბაზში შეკრებილ აუდიტორიას განუცხადა, მან ჩიორა თაქთაქიშვილის მიზეზით შეწყვიტა სხდომა.