აშშ-ს პრეზიდენტი, დონალდ ტრამპი აშშ-შ კორონავირუსის შემთხვევების მილიონამდე ზრდას იმით ხსნის, რომ ქვეყანაში მასობრივი ტესტირება ტარდება. მისი თქმით, ეს რიცხვი მალე ნულამდე დაეცემა.

"უნდა გაიგოთ, რომ როდესაც საქმე ეხება ახალ შემთხვევებს, ეს დაკავშირებულია იმასთან, რომ ჩვენ ყველა დანარჩენ ქვეყანაზე მეტ ტესტს ვატარებთ. ასე რომ, ჩვენთან მეტი შემთხვევა გამოვლინდება, რადგან ვატარებთ მეტ, მეტ ტესტირებას. შესაბამის დროს, მონაცემი ნულამდე დაიწევს".

ჯონ ჰოპკინსის უნივერსიტეტის მონაცემებით, 28 მაისს, დღის ბოლოს აშშ-ში კორონავირუსის დადასტურებული შემთხვევების რიცხვი 1 მილიონს გასცდა. აშშ ინფიცირებულთა რაოდენობით პირველ ადგილზეა. იქ გარდაცვლილთა რიცხვმა 56 749-ს გადააჭარბა, რაც, ასევე, ყველაზე მაღალი მაჩვენებლია მსოფლიოში.