თბილისის მერის, კახა კალაძის თქმით, როდესაც საზოგადოებრივი ტრანსპორტი ამუშავდება, იქ მგზავრებს მიუთითებენ, როგორ უნდა დასხდნენ ან დადგნენ. ამაზე მერმა პალიტრანიუსის გადაცემა საღამოს ნიუსრუმში ისაუბრა. კალაძის განმარტებით საზოგადოებრივი ტრანსპორტი მაშინ გაეშვება, როდესაც დარგის სპეციალიტსების მხრიდან მითითებები გაკეთდება.

"რა თქმა უნდა, ადამიანებზე, რიგით მოქლაქეებზე ძალიან ბევრი იქნება დამოკიდებული. საზოგადოებრივ ტრანსპირტში ჩვენ გვეყოლებიან ადამიანები, რომლებიც მიუთითებენ, თუ როგორ უნდა დასხდნენ და როგორ უნდა დადგნენ, მაგრამ საზოგადოების გონიერება და სიფხიზლე მაინც მნიშვნელოვანია ამ თვალსაზრისით", — განაცხადა კალაძემ.

როდის აღდგება საზოგადოებრივი ტრანსპორტით გადაადგილება, ჯერ უცნობია. 24 აპრილს პრემიერმინისტრმა გიორგი გახარიამ განაცხადა, რომ ეს ქვეყანაში ეპიდემიოლოგიურ სიტუაციაზე იქნება დამოკიდებული.

"მუნიციპალური ტრანსპორტის აღდგენა, ესაა გეგმიური ოპერაციების აღდგენა. ეს ისეთი მსხვილი ელემენტებია ჩვენი ყოველდღიური ცხოვრების, რომლებიც პირდაპირ ზემოქმედებს ყოველდღიურ მობილობაზე", — განაცხადა გახარიამ ანტიკრიზისული გეგმის წარდგენის შემდეგ.