კაბა, რომელიც მერლინ მონროს პრეზიდენტ ჯონ კენედისადმი მიძღვნილი ლეგენდარული სიმღერის დროს ეცვა, აუქციონზე $4,8 მილიონად გაიყიდა.


ხელოვნების ნიმუშად შეფასებული კაბა, რომელიც ექსკლუზიურად მერლინ მონროსთვის შეიქმნა, 2500 კრისტალის თვლითაა გაწყობილი.

ფოტო: Courtesy of Julien's Auctions

მონროს კაბა თავდაპირველად $3 მილიონად იყო შეფასებული, თუმცა მისი ფასი აუქციონზე ვაჭრობისას გაიზარდა.

1962 წელს პრეზიდენტ ჯონ კენედის 45-ე დაბადების დღის ღონისძიება სქვეარ გარდენში მერლინისთვის ერთი-ერთი ბოლო გამოსვლა იყო საზოგადოების წინაშე. მსახიობი სიმღერის "დაბადების დღეს გილოცავ, ბატონო პრეზიდენტო" შესრულებიდან სამ თვეში გარდაიცვალა.

აუქციონზე წარმოდგენილი იყო მერლინ მონროს სხვა პირადი ნივთებიც, მათ შორის, ორი უცნაური ექსპონატი: მსახიობის ხელით ხელსახოცზე დაწერილი ფარშის რეცეპტი და მისი საფლავიდან წამოღებული ქვა.