ისრაელმა ქვეყანაში კორონავირუსის გამო დაწესებული შეზღუდვების შემსუბუქება დაიწყო. ამის შესახებ ინფორმაციას CNN ავრცელებს. ზომების შემსუბუქების შემდეგ ქვეყანაში სადალქოებს, სილამაზის სალონებსა და სხვა მცირე ბიზნესს მუშაობის საშუალება მიეცა.

კვირიდან რესტორნებს საშუალება ექნებათ მომხმარებლებს საკვები წასაღებად მიჰყიდონ, თუმცა ადგილზე სტუმრების მიღება ჯერ ისევ აკრძალულია. მაღაზიები დახურული რჩება დიდ სავაჭრო ცენტრებში.

ყველა ბიზნესი, რომელსაც გახსნის საშუალება მიეცა ვალდებულია ვრცელი რეკომენდაციები დაიცვას პერსონალისა და მომხმარებლების მოპყრობის შესახებ. წინააღმდეგ შემთხვევაში, დარღვევისთვის დაახლოებით 570 დოლარით დაჯარიმდებიან.

ისრაელში სავალდებულო რჩება საზოგადოების თავშეყრის ადგილებზე ნიღბების ტარება, მოქალაქეები ამ რეგულაციის შეუსრულებლობის შემთხვევაშიც დაჯარიმდებიან.

ჯონ ჰოპკინსის უნივერსიტეტის მონაცემებით, ისრაელში კორონავირუსის 15 398 შემთხვევა დასტურდება, გარდაცვლილია 199 ადამიანი, ხოლო გამოჯანმრთელებულია 6 602. ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: