დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პაატა იმნაძის თქმით, შემთხვევების მატება უკავშირდება იმას, რომ აღდგომის დღეებში რეკომენდაციების დაუცველობის გამო, ინფიცირების რაოდენობა იზრდება. მას არ უთქვამს, რომ ეს ყველაფერი კავშირშია საეკლესიო რიტუალებთან, თუმცა აღნიშნა, რომ ინფიცირებულთა ზრდა სასაფლაოებზე გასვლამ და დღესასწაულების ქეიფით აღნიშვნამ გამოიწვია.

"სამწუხაროდ, ის, რომ ჩვენ გვაქვს ასეთი შემთხვევების მატება და გვაქვს იქ, სადაც ჩვენი ინფორმაციით, დაახლოებით ერთი კვირის წინ, 10 დღის წინ არ იყო დაცული ის რეკომენდაციები, რაც ჩვენ გვქონდა გაცემული. ჩემი ინფორმაციით, ადგილი ჰქონდა საფლავებზე გასვლას და დღესასწაულების აღნიშვნას სუფრებზე, ვიმკით იმ შედეგს, რაც გვაქვს", — განაცხადა მან.

დღეს, 26 აპრილს საქართველოში კორონავირუსი კიდევ 29 პირს დაუდგინდა და ინფიცირების შემთხვევები 485-მდე გაიზარდა. გუშინ ინფიცირების 456 შემთხვევა იყო დაფიქსირებული. მონაცემები Stopcov.ge-ზე ახლახანს განახლდა.

ბოლო მონაცემებით, საქართველოში კორონავირუსით ინფიცირებულია 488 ადამიანი, მათგან 136 გამოჯანმრთელებულია, ხოლო 6 გარდაცვლილი. კარანტინის რეჟიმში 4 928 ადამიანი იმყოფება, სტაციონარში მეთვალყურეობის ქვეშ — 522.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: