მაესტროს დირექტორის, მამუკა ღლონტის განცხადებით, რადიო მაესტროს ანგარიშს ინკასო დაედო. მისი თქმით, ამ პერიოდში შემოსავლები საგრძნობლად შემცირდა, კომპანიას კი დაახლოებით 2 500 ლარის ინკასო დაედო.

"სარეკლამო დაკვეთები არის საგრძნობლად შემცირებული და შესაბამისად, იმის ნაცვალად, რომ სახელმწიფო დაეხმაროს კომპანიებს, მით უმეტეს მედიას, პირიქით, ახრჩობს მათ. კარგად ვიცით თავის მედია კომპანიებს ხან ბიძინა ივანიშვილი და ხან მიხეილ სააკაშვილი როგორ უვლის და პატიობს უზარმაზარ დავალიანებას", — თქვა მამუკა ღლონტმა.

მამუკა ღლონტმა On.ge-სთან საუბრისას აღნიშნა, რომ ინკასოს შემდეგ რა თანხაც ჰქონდათ დარჩენილი ისიც დაიბლოკა. კომპანიამ მსმენელებს სთხოვა, შეძლებისდაგვარად დაეხმარნონ დავალიანების დაფარვაში.

მარტის თვეში ინკასო დაედო TV პირველისა და მთავარი არხის ანგარიშებსაც.