მამის მკვლელობის ბრალდებით საჩხერეში 1 პირი დააკავეს. ამის შესახებ ინფრომაციას შინაგან საქმეთა სამინისტრო ავრცელებს.

უწყების ცნობით, ბრალდებულმა 19 აპრილს, საჩხერის მუნიციპალიტეტის სოფელ ბახიოთში, ურთიერთშელაპარაკების ნიადაგზე, ნაჯახის გამოყენებით მამას სიცოცხლისთვის სახიფათო დაზიანება მიაყენა, რომელიც ადგილზე გარდაიცვალა.

მათივე ინფორმაციით, ბრალდებული საკუთარ საცხოვრებელ სახლში დააკავეს და დანაშაულის ჩადენის იარაღი — ნაჯახი ნივთმტკიცებად ამოიღო.

შსს-ს ცნობით, მომხდარზე გამოძიება საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის "ვ" ქვეპუნქტით მიმდინარეობს, რაც ოჯახის წევრის მიმართ დამამძიმებელ გარემოებაში ჩადენილ განზრახ მკვლელობას გულისხმობს და სასჯელის სახით 13-დან 17 წლამდე ვადით თავისუფლების აღკვეთას ითვალისწინებს.