თბილისში, 19 ნოემბერს, საჯარო ბიბლიოთეკის საგამოფენო სივრცეში გაიმართება ციფრული მარკეტინგული კონფერენცია - Touch გაიმართება, რომლის ძირითადი თემა იქნება ტურიზმი.

ორგანიზატორების ცნობით, კონფერენციის თემები შეხება ციფრული მარკეტინგის გამოყენების მეთოდებს, უახლეს ტრენდებსა და გამოცდილებებს.

კონფერენციაზე მოხსენებით წარსდგებიან:

  • საქართველოს ტურიზმის ადმინისტრაციის ხელმძღვანელი - გიორგი ჩოგოვაძე;
  • Google-ის ინდუსტრიული მენეჯერი - დმიტრი შილიუკი;
  • National Geographic-ის ფოტოგრაფი - ვიქტორ ლაგუშკინი;
  • Impact hub Vienna-ის წარმომადგენელი - კაი ვიჩმენი;
  • სოციალური მედიის მენეჯერი - ანა სამპაიო ბაროში;
  • ფოტოგრაფი და მოგზაური - აურელიან ბატინი;

მოწვეული სპიკერები კონფერენციის მონაწილეებს გაუზიარებენ წარმატებულ ისტორიებს, ბიზნეს გადაწყვეტილებებს და გასცემენ პასუხებს მონაწილეთა შეკითხვებს. პროექტი ტურიზმის ადმინისტრაციის ორგანიზებით ხორციელდება და მას ყოველწლიური სახე ექნება.

პროექტის სპონსორები არიან ატლასგლობალი და ფაბრიკა, მხარდამჭერები - ვისმინო, ბარბარესთან, ტექნოპარკი და პორტ:80.