კანადაში პოლიციის ფორმაში გამოწყობილმა კაცმა ცეცხლი გახსნა და 16 ადამიანი მოკლა, მათ შორის ერთი პოლიციელი. კანადის ისტორიაში ეს ყველაზე დიდი მასობრივი მკვლელობაა.

თავდასხმა ახალ შოტლანდიაში მოხდა. წინასწარი ინფორმაციით, თავდამსხმელი 51 წლის გაბრიელ ვორტმანია. საბოლოოდ ის სამართალდამცავებთან შეტაკების დროს მოკვდა. ვრცელდებოდა ინფორმაცია, რომ ის პოლიციის მსგავსი მანქანით გადაადგილდებოდა.

გარდაცვლილთა ზუსტ რაოდენობას ამ დრომდე ადგენენ. ერთ-ერთი გარდაცვლილია ჰეიდი სტივენსონი, რომელმაც პოლიციაში 23 წელი იმსახურა.

"ჰეიდიმ გამოძახებას უპასუხა და სიცოცხლე დაკარგა იმათი დაცვით, ვისაც ის ემსახურებოდა. მისმა ორმა შვილმა დაკარგა დედა, ქმარმა კი ცოლი. მშობლებმა დაკარგეს შვილი, ხოლო სხვებმა — არაჩვეულებრივი კოლეგა და მეგობარი", — განაცხადა კომისარმა ლი ბერგერმანმა.

კანადის პრემიერ-მინისტრის, ჯასტი ტრუდოს განცხადებით, ეს საშინელი ტრაგედიაა.