ადამიანის უფლებების სწავლებისა და მონიტორინგის ცენტრის (EMC) განცხადებით, შეიხი მირტაგი ასადოვი, სრულიად საქართველოს მუსლიმთა უმაღლესი სასულიერო სამმართველოს რამდენიმე დამფუძნებელთან ერთად სახელმწიფო უსაფრთხოების სამსახურში დაიბარეს.

EMC-ს თქმით, სუს-ის გამომძიებელმა მათთან საუბარში განმარტა, რომ გამოძიება სისხლის სამართლის კოდექსის 318-ე მუხლის (საბოტაჟი) საფუძველზე მიმდინარეობს. მირტაგი ასადოვი კი ამ პროცესს ტელეკომპანია მთავართან მიცემულ ინტერვიუს უკავშირებს.

EMC-ს ინფორმაციით, ასადოვმა ინტერვიუს დროს განმარტა, რომ საქართველო თეოკრატიული ქვეყანაა არაა და დაყოფა "ჩვენ-სხვები" არასწორია.

"ჟურნალისტის კითხვაზე კი, თუ რას ფიქრობდა მთავრობის გადაწყვეტილებაზე, რომ ეკლესიები არ დაიკეტებოდა დღესასწაულზე, მან კითხვითვე უპასუხა: "მაშინ ჩვენ გავხსნით მეჩეთებს რამადანზე და ვნახოთ პრემიერ-მინისტრი ჩვენ მიმართ როგორ მოიქცევა", — წერია განცხადებაში.

EMC აცხადებს, რომ მირტაგი ასადოვს და სხვა პირებს საადვოკატო დახმარებას გაუწევენ და უახლოეს დეტალებს რამდენიმე საათში გაავრცელებენ. On.ge ამ თემასთან დაკავშირებით სახელმწიფო უსაფრთხოების სამსახურისგან პასუხს ელოდება.