1 აპრილის მდგომარეობით მსოფლიოში

• დადასტურებული შემთხვევა — 2 127 873;
• გარდაცვლილი — 142 148;
• გამოჯანმრთელებული — 540 575.

მდგომარეობა საქართველოში

• დადასტურებული შემთხვევა — 348;
• გამოჯანმრთელებული —76;
• გარდაცვლილი — 3;
• კარანტინის რეჟიმში — 5079;
• სტაციონარში — 558;
• უცხოეთიდან სამკურნალოდ გადმოყვანილი საქართველოს მოქალაქეები — 3.

დღის ფაქტი

WHO: ალკოჰოლი კორონავირუსის შედეგებს აუარესებს, რეკომენდებულია შეზღუდვები

"ალკოჰოლი სხეულის იმუნიტეტს აქვეითებს და ჯანმრთელობის რისკებს უკავშირდება", — წერია WHO-ს ევროპული ოფისის საიტზე. განცხადების გამოქვეყნება ალკოჰოლის გლობალური მოხმარების ზრდით იყო განპირობებული.

ალკოჰოლის გავლენა იმუნურ სისტემაზე, ინდივიდებს COVD-19-ს მიმართ უფრო მეტად მოწყვლადს ხდის. ამასთანავე, დიდი ხანია ცნობილია, რომ ალკოჰოლური სასმლებიც მოხმარება ძალადობის რისკებს შესამჩნევად ზრდის იქ, სადაც თვითიზოლაციის ზომებს იღებენ.

დღის ფოტო: მიტანის სერვისის კურიერები რესტორნიდან საკვებს იღებენ, ბეიჯინგი, ჩინეთი.

დღის მთავარი ჰედლაინი მსოფლიოში

ბოლო ერთ თვეში სამუშაო ადგილი 21 მილიონმა ამერიკელმა დაკარგა

შრომის დეპარტამენტის განცხადებით, ბოლო ერთ კვირაში 5,25 მილიონმა ადამიანმა დაკარგა სამუშაო ადგილი. კორონავირუსის პანდემიის გამო აშშ-ს მოსახლეობის დიდი ნაწილი იზოლაციაშია, რის გამოც, ფაქტობრივად, გაჩერებულია ეკონომიკაც. მსხვილ და პატარა ბიზნესებს თანამშრომლების გათავისუფლება უწევთ. სხვადასხვა პროგნოზით უმუშევრობის დონე ქვეყანაში 20 პროცენტამდე აიწევს.

რა ხდება მსოფლიოში

• პრეზიდენტ დონალდ ტრამპის განცხადებით, აშშ-მ კორონავირუსის ახალი შემთხვევების პიკი გადალახა და მან იწინასწარმეტყველა, რომ ამ თვეში ზოგიერთი შტატი უკვე გაიხსნება;
• ბრაზილიის პრეზიდენტმა ჯარ ბოლსონარომ კორონავირუსის პანდემიის დროს ჯანდაცვის მინისტრი, ლუიზ მანდეტა თანამდებობიდან გაათავისუფლა;
• საფრანგეთში ერთ დღეში 753 ადამიანი გარდაიცვალა კორონავირუსით. ქვეყანაში საერთო ჯამში 17 920 პირი დაიღუპა ვირუსით.
• დიდი ბრიტანეთის ხელისუფლებამ კარანტინი კიდევ 3 კვირით გაახანგრძლივა. ქვეყანაში ერთ დღეში 861 ადამიანი გარდაიცვალა ვირუსით, საერთო ჯამში გარდაცვლილთა რიცხვი 13 ათასამდე გაიზარდა;
• აშშ-ში, ნიუ იორკის შტატში 15 მაისამდე გახანგრძლივდა კარანტინი. ნიუ იორკის შტატის გუბერნატორის, ენდიუ კუომოს თქმით, 2 წელზე მეტი ასაკის ადამიანს საჯარო სივრცეებში სახე დაფარული უნდა ჰქონდეს, თუ სოციალური დისკანციის დაცვა არ შეუძლია.

რა ხდება საქართველოში

17 აპრილის 12 საათიდან ქვეყანაში სრულად იკრძალება მსუბუქი ავტომობილებით გადაადგილება

ხვალიდან, 17 აპრილის 12 საათიდან საქართველოში სრულად იკრძალება მსუბუქი ავტომობილებით გადაადგილება. შეზღუდვა იმოქმედებს საგანგებო მდგომარეობის ვადით, 21 აპრილის ჩათვლით. იგი არ ვრცელდება ტვირთების გადაზიდვაზე და დისტრიბუციაზე. ასევე, ჩვეულებრივ იმუშავებენ სასურსათო მაღაზიები, აფთიაქები და მიტანის სერვისები.

სხვა მნიშვნელოვანი ამბები:

• 17 აპრილიდან დახურულ სივრცეში პირბადის ტარება სავალდებულო ხდება
• ბოლო 4 საათში საქართველოში კორონავირუსის კიდევ 8 ახალი შემთხვევა გამოვლინდა, სულ — 348
• კიდევ 2 პაციენტი გამოჯანმრთელდა, მათ შორის, ერთ-ერთ ყველაზე კრიტიკული იყო — მარინა ეზუგბაია
• გამყრელიძე: პატივმოყვარეობას გადავაბიჯე და მოვუწოდე მოსახლეობას, რომ ნუ წავალთ ეკლესიებში
• სანამ შეკრებებისთვის ემზადებით, დაფიქრდით მათზე, ვინც თქვენ გამო მწარე დღეებს გადის — ექიმი
• კამკამიძე: სამარცხვინოა, რომ ექიმები უნდა ვემუდარებოდეთ საეკლესიო პირებს
• სავარაუდოდ, გარეთ გასვლამდე წინასწარი შეტყობინების სისტემა მზადდება — გავრცელებული სურათი
• თენგიზ ცერცვაძე: მრევლის ხელშია საქართველოში ეპიდემიის განვითარების სცენარი
• ამირან გამყრელიძე: ვილოცოთ სახლიდან, ეს უკეთესი იქნება ჩვენი მოსახლეობის ჯანმრთელობისთვის
• ჩვენ მოვიაზრებთ, რომ ტაძარში სააღდგომო დღესასწაულზე სასულიერო პირები უნდა იყვნენ — თეა წულუკიანი
• თუ ამ ოქროს შუალედს ყურადღებას მოაკლებ, კატასტფორამდე მიგვიყვანს — წულუკიანი საპატრიარქოსთან შეთანხმებაზე
• ექიმი: 1500 კაცი შეიკრიბება თუ 300, ესეც საკმარისი იქნება კორონავირუსული გენოციდისთვის
• ძალიან გთხოვთ, წყალში ნუ ჩაგვიყრით ამდენ შრომას, გვაცადეთ რასაც ვაკეთებთ — ექიმი
• ამირან გამყრელიძე: ვთხოვ ეკლესიას მოუწოდონ მოსახლეობას, აღდგომა სხვა ფორმატით ჩავატაროთ
• ქაშიბაძე: ზოგიერთმა COVID-19-ის წინააღმდეგ ძალიან ცხელი წყალი დალია და დამწვრობა მიიღო, ამ ხერხს ნუ მიმართავთ
• საქართველოს მუსლიმმა რელიგიურმა ლიდერებმა ყველაფერი გააკეთეს ვირუსის შეჩერებისთვის — გიგა ბოკერია
• ზუგდიდში, სენაკსა და ფოთში სასაფლაოები დაიხურება
• კუბოების დათვლას ჯობია, ინფიცირებულები დათვალოს — მეუფე იაკობი პაატა იმნაძეს პასუხობს
• ამირან გამყრელიძე: ნუ შევიკრიბებით, გვაპატიებს ამას ღმერთი, მეტი ქართველი გადარჩება
• ქვეყნის სრულ კარანტინამდე 1 ნაბიჯია დარჩენილი — ამირან გამყრელიძე
• კარანტინში მყოფმა ბენქსიმ ქუჩის ნაცვლად ამჯერად ტუალეტის კედლები მოხატა

დღის მთავარი ჰედლაინი ქართულ მედიაში

ვერ წარმოუდგენია ადამიანებს, როგორ იხრჩობიან ადამიანები, იმიტომ რომ ერთმანეთს არ გაუფრთხილდნენ — ლევან რატიანი

"ვერ წარმოუდგენია ადამიანებს რა ხდება ჩვენს რეანიმაციაში, როგორ იხრჩობიან ადამიანები, იმიტომ რომ ერთმანეთს არ გაუფრთხილდნენ. გამოძვრნენ ახალგაზრდები, მაგრამ ასაკოვანი ადამიანები მიჯაჭვული არიან. ამ ხრჩობის ყურება ძალიან ძნელია ჩვენთვის. ნუ გაგვაკეთებინებთ იმას, რომ ჩვენც დავიხოცოთ".

ამბავი, რომელმაც გაგვაღიმა

კარანტინში მყოფმა ბენქსიმ ქუჩის ნაცვლად ამჯერად ტუალეტის კედლები მოხატა

ცნობილი არტისტი ბენქსი მილიონობით ადამიანის მსგავსად იზოლაციაშია, თუმცა, როგორც ჩანს, ეს თავის შემოქმედებით საქმიანობაში ხელს არ უშლის.

დღემდე ანონიმური ხელოვანი აქამდე ძირითადად ქუჩის კედლებზე ქმნიდა თავის ინსტალაციებს, თუმცა საყოველთაო იზოლაციის რეკომენდაციებმა მისი ჩვეული ფორმატიც კი შეცვალა: ცოტა ხნის წინ ინსტაგრამზე ახალი ფოტოები გამოაქვეყნა, სადაც ჩანს, რომ ამჯერად მან ტუალეტის კედლები მოხატა.

დღის სასარგებლო ინფორმაცია

16 აპრილს მოქალაქე გიორგი გასაშვილმა გავარცელა ვიდეორგოლი, სადაც იგი ჰყვება, როგორ გავრცელდა ვირუსი სამხრეთ კორეაში, რელიგიური რიტუალის ჩატარებისას.

ეს არის ისტორია პაციენტ #31-ზე სამხრეთ კორეიდან, რომელთანაც კორონავირუსის 5 ათასზე მეტი დადასტურებული შემთხვევაა დაკავშირებული. სამხრეთ კორეაში კორონავირუსის დადასტურებული შემთხვევების უმრავლესობა რელიგიურ ჯგუფ სინჩხონჯის უკავშირდება. 2 მარტს რელიგიური ორგანიზაციის ლიდერმა ქვეყანას ბოდიში მოუხადა.

ერთად თავმოყრილი რეკომენდაციები

• ჯანდაცვის მსოფლიო ორგანიზაციის აუცილებელი რეკომენდაციები კორონავირუსისგან დასაცავად

• Ի՞նչ է նոր կորոնավիրուսը — რეკომენდაციები კორონავირუსის პრევენციისთვის სომხურ ენაზე
• Yeni koronavirus nədir? — რეკომენდაციები კორონავირუსის პრევენციისთვის აზერბაიჯანულ ენაზე

• ჯანდაცვის სამინისტროს რეკომენდაციები ჟურნალისტებისთვის

• რეკომენდაციები თვითიზოლაციაში მყოფი პირებისთვის

• როგორ უნდა გაიკეთოთ, გამოიყენოთ და გადააგდოთ ნიღაბი

• როგორ დავიბანოთ ხელები სწორად კორონავირუსისგან დასაცავად

• როგორ ვიზრუნოთ ფსიქიკურ ჯანმრთელობაზე კორონავირუსის დროს

ნახეთ წინა შეჯამებები:

• მთავრობასთან შეთანხმებული სააღდგომო წირვა და 2 მილიონზე მეტი ინფიცირებული მსოფლიოში — 15 აპრილის შეჯამებ
• ინფიცირებული სასულიერო პირი და გახანგრძლივებული საგანგებო მდგომარეობა — 14 აპრილის შეჯამება
• მთავრობის გადაწყვეტილების მოლოდინი და მოახლოებული აღდგომა — 13 აპრილის შეჯამება
• რომის პაპი მრევლის გარეშე და ილია მეორე ხალხმრავლობაში — 12 აპრილის შეჯამება
• 20 ათასი გარდაცვლილი აშშ-ში და 60 გამოჯანმრთელებული საქართველოში — 11 აპრილის შეჯამება;
• სრული კარანტინი ლენტეხში და 100 ათასი გარდაცვლილი მსოფლიოში — 10 აპრილის შეჯამება;
• ივანიშვილის 100 მილიონი და 1,5 მილიონი ინფიცირებული მსოფლიოში — 9 აპრილის შეჯამება.