პრემიერ-მინისტრი, გიორგი გახარია იმ კომპანიებს, რომელთაც კრიზის გამო თანამშრომლები უხელფასოდ გაათავისუფლეს, აფრთხილებს, რომ კრიზისის გადავლის შემდეგ ყველას "მიხედავს".

როგორც გახარია ამბობს, ყველას თავისი სოციალური პასუხისმგებლობა უნდა ახსოვდეს და კომპანიებს გარდა იმისა, რომ ვალდებულება აქვთ სახელმწიფოს დახმარება და ფული სთხოვონ, იგივე ვალდებულება აქვთ დასაქმებული ადამიანების მიერ.

მისივე თქმით, კომპანიას პირდაპირი სამართლებრივი ვალდებულება აქვს, რომ რამდენიმე თვის განმავლობაში თანამშრომლებს შესაბამისი გადასახადი გადაუხადოს.

"იმ კომპანიებმა, რომლებმაც თანამშრომლები გაუშვეს და გარდა იმისა, რომ შეენარჩუნებინათ, ვისაც ანაზღაურება ეკუთვნოდათ, ეს ანაზღაურებაც არ გადაუხადეს, ამათ ყველას მივაკითხავთ. დარწმუნებული იყავით. დღეს კრიზისია და ამის დრო არც ჩვენ გვაქვს და არ ამ კომპანიებს. ყველას კარგად ახსოვდეს, გადაივლის ეს კრიზისი და მერე ყველას მივხედავთ", — განაცხადა გახარიამ.