ინდოეთის პრემიერ-მინისტრი, ნარენდრა მოდი საყოველთაო კარანტინის გახანგრძლივებას აპირებს. დელის შტატის მთავარი მინისტრის, არვინდა კეირივალის თქმით, პრემიერი სწორად იქცევა, თუმცა როდემდე გაგრძელდება კარანტინი არ დაუკონკრეტებია.

"თუ კარანტინი შეწყდება, ყველაფერი დაკარგული იქნება", — აღნიშნა მინისტრმა.

ინდოეთის 21-დღიანი კარანტინი სამშაბათს, 14 აპრილს სრულდება. რამდენიმე შტატმა უკვე მოუწოდა პრემიერს, რომ კარანტინი გაეხანგრძლივებინა.

საყოველთაო კარანტინის გამო ინდოეთის ღარიბ მოსახლეობაში დამატებითი პრობლემები გაჩნდა, რადგან ისინი უმუშევრად დარჩნენ და ქალაქებიდან სოფლებში დაბრუნება უწევთ.

ინდოეთში ამ ეტაპისთვის კორონავირუსის 7 600 შემთხვევაა დადასტურებული. ვირუსის შედეგად უკვე 249 ადამიანი გარდაიცვალა.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: