გერმანიაში ერთ დღეში კორონავირუსით 266 ადამიანი გარდაიცვალა, რაც ქვეყნისთვის გარდაცვლილთა რაოდენობის ყველაზე მაღალი მაჩვენებელია. ამის შესახებ ინფორმაციას CNN ავრცელებს.

რობერტ კოხის ინსტიტუტის მონაცემების მიხედვით, ჯამში გერმანიაში გარდაცვლილთა რაოდენობა 2 373-ია. ქვეყანაში დადასტურებული შემთხვევების საერთო რაოდენობამ 113 525 მიაღწია, რაც ბოლო 24 საათის განმავლობაში 5 323-ით ზრდის შედეგია.

გერმანიის კანცლერმა, ანგელა მერკელმა მოსახლეობას ხუთშაბათს მოუწოდა, რომ აღდგომის დღეებშიც გააგრძელონ სოციალური დისტანციის დაცვა. მისი თქმით, ქვეყანაში ინფიცირებულთა როდენობა ოდნავ, მაგრამ მაინც მცირდება.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: