ჯანდაცვის მინისტრის, ეკატერინე ტიკარაძის თქმით, ქვეყანაში ათასობით ტესტია შემოსული და კიდევ ელოდებიან. 8 აპრილის ბრიფინგზე მინისტრმა შესყიდვის ხელშეკრულება წარადგინა, სადაც მისი თქმით გაწერილია, როგორც PCR ტესტების, ისე სწრაფი ტესტების შესყიდვის შესახებ ინფორმაცია.

"გვაქვს 2 ათასი PCR ტესტი, ე.წ. ოქროს სტანდარტის; დამატებით 10 ათასი უკვე შემოსულია, გზაშია 18 ათასი ტესტი, საერთო შეკვეთის რაოდენობაა 84 ათასი; ანტისხეულების სწრაფი ტესტი 4 ათასი უკვე არის ქვეყანაში და გზაშია 20 ათასი; სწრაფი ტესტები, რომელსაც მოსახლეობა ასე ელოდება და ძალიავ ვფრთხილობთ, არის 2 ათასი და 52 ათასი გზაშია", — განმარტავს მინისტრი და აღნიშნავს, რომ მას შემდეგ, რაც სწრაფი ტესტების სანდოობა დადასტურდება, დამატებით 200 ათასი შემოვა ქვეყანაში.

8 აპრილს საქართველოში კორონავირუსით ინფიცირების 12 ახალი შემთხვევა დაფიქსირდა და ჯამში ინფიცირებულთა რაოდენობა 208-მდე გაიზარდა. დადასტურებულ შემთხვევებს შორის გამოჯანმრთელებულია 46 ადამიანი. ინფიცირებულებს შორის კი გარდაცვლილია 3 პირი. კარანტინის რეჟიმში 4 674 პირი რჩება, ხოლო, სტაციონარში მეთვალყურეობის ქვეშ 362 პაციენტია.

ინფექციური საავადმყოფოს დირექტორის, მარინა ეზუგბაიას თქმით, 24 საათის განმავლობაში დადასტურებული ახალი შემთხვევებიდან 5 თბილისშია, 5 ბათუმში, 2 კი ქუთაისში.

მარინა ეზუგბაიას თქმით, ორი პაციენტს ვირუსი ცენტრალურ ინფექციურ საავადმყოფოში დაუდასტურდათ. ისინი 70 წელს ზემოთ პაციენტები არიან და ეროვნული ბანკის კლასტერს წარმოადგენენ.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: