სოფლის მეურნეობისა და გარემოს დაცვის მინისტრის, ლევან დავითაშვილის თქმით, პურის გაძვირების წინაპირობა არ არსებობს და ამიტომ არ უნდა გაძვირდეს.

მისი თქმით, სახელმწიფოს თავისი საკონპენსაციო პროგრამით, აქვს დაზღვეული, რომ პური ფასი 10 მარტის მდგომარეობით შენარჩუნდეს.

როგორც დავითაშვილმა თქვა, საგანაგებო მდგომარეობა კონკრეტული ბიზნესოპერატორების მიმართ საგანგებო უფლებებსაც გულისხმობს და თუ არ იქნება წინაპირობა ძირითადი ნედლეულის, ფქვილის, გაძვირების, პურის ფასი არ უნდა გაძვირდეს.

"აქ მე შეიძლება ძალიან მკაცრად განვაცხადო, რომ დღეს პურის ფასი არ უნდა გაძვირდეს იმიტომ, რომ ამას გაძვირების ობიექტურის წინაპირობა არ უნდა ჰქონდეს. მიუხედავად იმისა, რომ ჩვენ დავინახეთ ხორბლის ფასის მცირე მერყეობა და გარკვეული ზრდა შავი ზღვის აუზის ქვეყნებში, ეს არის დროებითი მოვლენა", — განაცხადა დავითაშვილმა.