Georgian Airways პატრიარქის მიერ ნაჩუქარი ხატით პირველ სპეცრეისს ასრულებს. როგორც კომპანიის დირექტორი, რომან ბოკერია ფეისბუქზე წერს, "ხატი სპეცრეისით გაფრინდა" თბილისი-ათენი-თბილისის მიმართულებით.

"საქართველოს კათოლიკოს პატრიარქის მიერ ჯორჯიან ეარვეისის სახელზე კურთხეული და კომპანიისათვის ნაჩუქარი ხატი აბრძანდა ჩვენს ბოინგ 737-800 ბორტზე. პატრიარქის ნაჩუქარი ხატი [...] დაიცავს საქართველოს მოქალაქეების მშვიდობიან დაბრუნებას სამშობლოში", — წერს ბოკერია.

ჯორჯიან ეარვეისმა პატრიარქისგან საჩუქარი 6 აპრილს მიიღო. რომან ბოკერიას თქმით, საქართველოში აღდგომის დღესასწაულზე წმინდა ცეცხლს ისრაელიდან მისი კომპანია ჩამოიტანს. გარდა ამისა, ხატი ყველა სპეცრეისის შესრულებისას ბორტზე იქნება.

ფოტო: რომან ბოკერია / Facebook

ფოტო: რომან ბოკერია / Facebook

ფოტო: რომან ბოკერია / Facebook

ფოტო: რომან ბოკერია / Facebook

ფოტო: რომან ბოკერია / Facebook

საგანგებო მდგომარეობის პირობებში საქართველომ ყველა საზღვარი ჩაკეტა და სხვა ქვეყნებთან ნებისმიერი სახის მიმოსვლა შეწყვიტა. ერთადერთი კომპანია, რომელსაც მთავრობის კოორდინაციით მგზავრთა გადაყვანა შეუძლია ჯორჯიან ეარვეისია. ავიაკომპანია სპეცრეისებს ასრულებს და უცხოეთში დარჩენილი საქართველოს მოქალაქეები ჩამოჰყავს.