სტატისტიკის ეროვნული სამსახურის წინასწარი მონაცემებით, 2016 წლის იანვარ-ოქტომბერში საქართველოში საქონლით საგარეო სავაჭრო ბრუნვამ, არადეკლარირებული ვაჭრობის გარეშე, 9 950 მილიონი აშშ დოლარი შეადგინა, რაც წინა წლის შესაბამისი პერიოდის მაჩვენებელზე 22 პროცენტით მეტია. აქედან, ექსპორტი 7 პროცენტით ნაკლები, 1701 მილიონი აშშ დოლარი იყო, ხოლო იმპორტი - 31 პროცენტით მეტი, 8 249 მილიონი აშშ დოლარი.

ფოტო: სტატისტიკის ეროვნული სამსახური

უარყოფითმა სავაჭრო ბალანსმა 2016 წლის იანვარ-ოქტომბერში 6 548 მილიონი აშშ დოლარი და საგარეო სავაჭრო ბრუნვის 66 პროცენტი შეადგინა.

საქსტატი მიუთითებს, რომ განსახილველ პერიოდში განხორციელდა C ჰეპატიტის მედიკამენტების იმპორტი, რომლის გარეშეც იმპორტი შეადგენს 5 851 მილიონ აშშ დოლარს და გასული წლის ანალოგიურ პერიოდთან შედარებით 2 პროცენტით ნაკლებია.