მსოფლიოს პროცესების უმრავლესობის გაციფრულებასთან ერთად, ჯეოლაბმა ტექნოლოგიებში დაგროვილი ცოდნის ციფრულად გაზიარება გადაწყვიტა. ერთგვარი ციფრული ცოდნის საცავის შექმნა დავისახეთ მიზნად, სადაც ჯეოლაბში დაგროვილი ცოდნა დაიდებს ბინას. ეს იქნება ღია ლექციების სერია შემდეგ თემებზე: პროგრამირება, დიზაინი და ციფრული მარკეტინგი.

დღეს მიმდინარე მოვლენებმა მნიშვნელოვნად დააჩქარა ციფრული გარდაქმნის პროცესი, ამ სიტუაციამ კი უამრავ ადამიანს მიახვედრა, რომ ციფრული სამყარო ჩვენი ცხოვრების ერთ-ერთი ყველაზე მნიშვნელოვანი ნაწილია, შესაბამისად გაიზარდა ინტერესეიც ამ სფეროსადმი. ადამიანებმა დაინახეს, რომ ახლის შესაცნობად, გასაგებად და სასწავლად დისტანცია არანაირად არ არის ხელის შემშლელი, მეტიც ის მოქნილობის ბევრად მეტ შესაძლებლობას გვაძლევს.

ყველაფერთან ერთად, ძალიან ბევრ ადამიანს აქვს უამრავი თავისუფალი დრო, რომლის ნაყოფიერად გატარებაც შესაძლებელია. ძალიან ბევრს ვსაუბრობთ თუ როგორ მოგვბეზრდა თვითიზოლაცის მახრჩობელა დღეები და როგორ ველით იმ დღეს, როცა ყველა ერთად ჩვენს ძველებურ ცხოვრებას დავუბრუნდებით, თუმცა ვფიქრობთ დროა გაჯეტები მოვიმარჯვოთ და ამ სიტუაციის ბენეფიტები სრულად შევისრუტოთ, გამონთავისუფლებუი დრო კი ახალი ცოდნის ათვისებას დავუთმოთ.

სწორედ ამიტომ დავიწყეთ ფიქრი პროექტზე, რომელიც ერთის მხრივ ადამიანებს შემეცნების საშუალებას მისცემდა, მეორეს მხრივ კი იმ ადამიანებს, ვისაც ზემოთხსენებული მიმართულებით გარკვეული ცოდნა დაუგროვდა, ამ ცოდნის გაზიარების საშუალებას.

ასე რომ, გარდა მოწვეული ლექტორებისა, ჯეოლაბის პლატფორმის გამოყენება მასაც შეუძლია, ვინც თვლის, რომ ფართო აუდიტორიისთვის მისი ცოდნა საინტერესო იქნება.

  • მსურველები უნდა დარეგისტრირდნენ ბმულზე.
  • მათ კი ვისაც ახალი ცოდნის მიღება და დროის პროდუქტიულად გამოყენება უნდა ველით ჩვენს Facebook გვერდზე.