"ყოველი წლის ამ დროს თბილისში, ნავთლუღის ბაზარში, ყვავილების განყოფილებაში მიმქონდა ჩემი ტიტები და იქ გადამყიდველებს ვაბარებდი, შემდეგ ისინი ყიდიდნენ. ახლა, ყვავილები რომ შემოვიდა, წინასწარ დავურეკე ჩემს ნაცნობ რეალიზატორებს, თუმცა მითხრეს, რომ აღარ მუშაობენ, რადგან ბაზარი დაუკეტეს. შესაბამისად, მე წელს ერთი ცალი ყვავილიც კი არ გამიყიდია. ასე ფუჭდება ჩემი ყვავილები და არ ვიცი, რა ვქნა, ვის მივმართო. ჩემი ყვავილებით ყოველ წელს, მარტის ბოლოსა და აპრილის თვეებში, პურის ფულს, ერთი-ორ კაპიკს ვშოულობდი, ახლა კი დავრჩი ცარიელი", - ყვება 63 წლის კაკო ჯეირანაშვილი რადიო თავისუფლების სტატიაში ტიტები, რომლებმაც მომხმარებლამდე ვერ მიაღწია, ნაკვეთში ჭკნება.

63 წლის მეყვავილემ ამ სეზონზე დაახლოებით 2 000 ლარი დაკარგა, მისი 5 000 ტიტა კი ადამიანების სახლების ნაცვლად, ისევ ნაკვეთშია და ჭკნება.

კაკოს ემოციური ისტორია და ის, თუ როგორ ლაპარაკობს ის საკუთარი ხელით გამოზრდილ ტიტებზე, შეუმჩნევლად არ დარჩენილა.

Facebook-ზე მომხმარებელმა მარიამ ნატროშვილმა ინიციატივა გამოთქვა, რომ კაკო ჯეირანაშვილს შექმნილი ვითარება ოდნავ მაინც შევუმსუბუქოთ.

თანხის ჩარიცხვა ამ ანგარიშზე შეგიძლიათ:

ანგარიშის ნომერი: TBC
GE62TB7096445061100088
მიმღები: ნანა ბეჟაშვილი