2 დღით თბილისში კანის კიბოსა და მელანომის ადრეული გამოვლენის მიზნით მოსახლეობას უფასო გამოკვლევა ჩაუტარდება.

დაავადების გამოსავლენად და დროული მკურნალობის მიზნით კამპანია „ევრომელანომა“ საქართველოში მეხუთედ ტარდება და მისი ლოზუნგია „მზე ყველგან ასხივებს და არა მხოლოდ სანაპიროზე“.

დერმატოლოგები რეკომენდაციას უწევენ ადრეულ დიაგნოსტიკას და ამბობენ რომ ის მნიშვნელოვნად ამცირებს მკურნალობის ხარჯებს და პაციენტის გადარჩენის შანსს ზრდის.

თბილისის მერიის პრესსამსახურის ინფორმაციით, სკრინინგის ორგანიზატორია საქართველოს ფოტოდერმატოლოგიისა და კანის კიბოს ასოციაცია:

„გამოკვლევებს ჩაატარებენ დერმატოლოგები, ონკოლოგები და პლასტიკური ქირურგები. თბილისში სკრინინგის ჩატარების მსურველებმა რეგისტრაციისთვის უნდა დარეკონ შემდეგ ნომრებზე: 2 30 54 17 და 2 18 22 58“.