ენმ-ს წევრი, გიგა ბოკერია მიხეილ სააკაშვილის განცხადებას ეხმაურება, რომლის თანახმადაც, ენმ რეალური პრობლემების ნაცვლად ენმ სააკაშვილსა და საკუთარ ამომრჩეველს უპირისპირდება. ბოკერია ამბობს, რომ პარტიის პარლამენტში შესვლა, ისევე როგორც საპარლამენტო არჩევნების მეორე ტურში მონაწილეობა, ერთადერთი სწორი გადაწყვეტილება იყო:

"მიუხედავად ძალადობრივი და არათავისუფალი არჩევნებისა, ერთადერთი სწორი გადაწყვეტილება იყო მეორე ტურებში ბრძოლა შედეგის მიუხედავად და პარლამენტში შესვლა, ამ ისტორიულ მომენტში ეს იყო სწორი გადაწყვეტილება ჩვენი ქვეყნის, ჩვენი პარტიის ინტერესებისთვის და საბოლოო ჯამში, ივანიშვილის რეჟიმის დემოკრატიულად დამარცხების საქმისთვის. სწორედ ასევე მჯერა, რომ ქუჩაში პროცესების გადატანა ამ ძალადობის მიუხედავად, იქნებოდა უკეთეს შემთხვევაში ორთქლის გამოშვება, არაფერ კარგს არ მოუტანდა არც ქვეყანას, არც პარტიას".